Tag Archive | அழியா காதல்

காதல் தேடும் கன்னி நான்…

காதல் தேடும் கன்னி

( காதலை பல இடங்களில் கண்டு, அவளிடம் காதல் சொன்ன பலபேரை கண்டு… மனம் குழம்பி,அது என்னவென்று தேடி அதை காணத்துடிக்கும் ஒரு இளம்பெண் காதலை தேடி தன் வார்த்தைகளில் பயணிக்கிறாள்…. )

 ♥அது என்னவோ ரசயான மாற்றமாமே!

    அழகான உணர்வாமே!

    யார் யாரோ எதேதோ

    சொல்ல கேட்டிருக்கிறேன்

 

♥ஆனால் அது என்னவென்று

   இதுவரையில் தெரியவில்லை

   அந்த ஒற்றை சொல்லின்

   அர்த்தம் மட்டும்

  இன்று வரை புரியவில்லை

 

♥என்னிடம் காதல் சொன்ன

   காதலர்கள் ஏராளம் !

  என் மறுப்பை கேட்டவுடன்

  வெறுத்தவர்களும் ஏராளம் !

 

♥நான் உன்னை காதலித்தால்

   நீ என்னை காதலி !

  காதல் என்பதென்ன…?

 எழுதாத ஒப்பந்தமா?

 

அழகான பெண்ணென்றால்

  அவள் மீது காதல் கொள்ள

 ஆயிரம் பேர் இங்கு

 வரிசையில் நிற்பதுண்டு !

 

 ♥காதல் என்பதென்ன…?

 

♥இனச்சேர்க்கை நடப்பதற்கு

 இணையை தேர்ந்தெடுக்கும்

 இடைப்பட்ட வேலையா?

 

♥ஆசை கொண்ட

 ஆணும் பெண்ணும்

 ஆசை தணிக்க

 ஆள் தேடுவதா ?

 

♥பூங்கா ஓரங்களில்

 புதர் மறை பிரதேசங்களில்

 அத்வைதம் பழகும்

 அரை குறை அறிவா?

 

♥உறவுக்கு முந்தைய

 உடல் தொடும் உறவா?

 

♥காதல் என்பதென்ன…?

 

♥இலக்கியங்களும்

 கவிதைகளும்

 இடைவிடாது வேதம் ஓதுகின்றன

 

♥காதல் தெய்வீகமானதாம்

♥காதல் புனிதமானதாம்

♥காதல் அமரத்துவமானதாம்

♥காதல் அழகானதாம்

 

♥யாராவது எனக்கு உதவுங்கள்

 தெய்வீகமான

 புனிதமான

 அமரத்துவமான

 அழகான

 அந்த காதல்

 

♥இன்னும்

 உயிருடன் இருக்கிறதா

 என்று

 எனக்கு தெரிய வேண்டும் !

அதிசய ராகம்


(“காதலி இறந்து போய் விட்டாள் …”

என்கிற

செய்தி அவனை சேரும் அந்த “துளி வினாடியில்”

அவனுக்குள் ஆயிரமாயிரம் அதிர்வலைகள்

அதிர்வலைகள் மெல்ல அவனை இறந்து போன அவன் காதலியிடம் அழைத்துச் செல்கின்றன…..)

♥நான் விசித்திரமானவன்

வித்தியாசமானவன்

யாராலும் பார்க்க முடியாத

அதிசயங்களை நேரில் பார்த்தவன்

♥பௌர்ணமி நிலவை பகலில் பார்த்திருக்கிறேன்,

செவ்வாய் கிரகத்தை தொட்டு பார்த்திருக்கிறேன்

குளிரும் சூரியனை அருகில் பார்த்திருக்கிறேன்

மேகத்தை மூடும் வானம் பார்த்திருக்கிறேன்

♥பூவின் சிரிப்பை நேரில் பார்த்திருக்கிறேன்

தென்றல் காற்றை தழுவி பார்த்திருக்கிறேன்

இரவின் நடுவில் விடியல் பார்த்திருக்கிறேன்

தூக்கம் இல்லாமல் தூக்கம் பார்த்திருக்கிறேன்

♥தூண்டிலே மீனாகிய விந்தையை பார்த்திருக்கிறேன்

மீன்களின் வலையில் சிக்கி பார்த்திருக்கிறேன்

மீன்களின் கண்ணீரை துடைத்து பார்த்திருக்கிறேன்

மீண்டும் ஒருமுறை பிறந்து பார்த்திருக்கிறேன்

♥மௌனம் பேசும் கவிதைகள் பார்த்திருக்கிறேன்

கவிதை பேசும் மௌனங்கள் பார்த்திருக்கிறேன்

கனவை கனவில் தேடி பார்த்திருக்கிறேன்

இருந்தும் ‘இல்லாத’ என்னை பார்த்திருக்கிறேன்

♥அதிசயங்களை பார்க்க செய்த

அதிசயத்தை இழந்த பின்னும்

அதிசயமாய்…

அதிசயங்களைப் பற்றி

அதிசய ராகம் பாடும்

அதிசய மனிதன் நான்

♥நான் விசித்திரமானவன்

வித்தியாசமானவன்

யாராலும் பார்க்க முடியாத

அதிசயங்களை நேரில் பார்த்தவன்…

♥கண் முன் இல்லாத உன்னை

கண் மூடி பார்த்’திருக்கிறேன்’

உனை சேரும் ஆசையில்

உடல் பிரிந்து காத்திருக்கிறேன்

(காதலர்கள் இறந்தாலும்   காதல் இறப்பதில்லை)

-விஜயன்